戶戶送 Deliveroo 一直致力為顧客、送餐專員、餐廳及生活百貨店合作夥伴帶來最佳嘅送餐體驗。同時,我哋亦希望保障我哋所營運嘅社區安全。以下守則就係為咗幫助確保每位使用戶戶送 Deliveroo 平台嘅人都可享有安全而正面嘅體驗而設。

為顧客送餐

確保顧客得到最好嘅服務體驗,能有效幫助餐廳及生活百貨店合作夥伴增加訂單量。所以當你處理戶戶送 Deliveroo 訂單時,我哋希望你可以:

  • 按訂單收據上指定嘅時間準備好食品,確保食品喺無任何延誤情況下按時送俾顧客。

  • 確保你準備嘅食品同餐牌上嘅描述相符。

  • 將你用完嘅食材標記為「未能供應」,就唔使強行取消訂單。

  • 如有顧客聯絡你詢問膳食要求時,請確認並提供相關嘅準確資訊。

以安全為先

保障社區安全係我哋嘅首要任務。我哋制定咗多項餐廳及生活百貨店合作夥伴都應遵循嘅政策,以確保顧客都可獲得最佳嘅送餐體驗。哩啲政策包括:

  • 維持出色嘅食物衛生水平,令顧客向餐廳或生活百貨店訂購時感到安心。

  • 持有同我哋政策允許喺平台上銷售嘅酒精或其他受管制產品相關嘅適當牌照。

  • 盡可能列明致敏原及營養資訊,並訓練員工回答有關致敏原嘅來電查詢,令顧客訂購食品時可以獲得正確資訊。

想了解有關戶戶送 Deliveroo 合作夥伴政策嘅詳情,請瀏覽幫助中心

互相尊重

作為我哋嘅餐廳或生活百貨店合作夥伴之一,送餐專員會進出你嘅場所提取食品並送遞到顧客手上。我哋希望你對送餐專員以專業且禮貌嘅態度看待,如發現任何唔專業或失當行為,請直接回報俾我哋知,等我哋可以採取適當嘅措施。為咗同送餐專員保持專業嘅合作關係,我哋希望你可以:

  • 確保食品按時準備好,送餐專員就唔使花時間等待

  • 如有需要,允許送餐專員使用你嘅洗手間

  • 如有需要,為送餐專員提供水飲用

  • 同送餐專員交談互動時保持禮貌友善。

如何調查潛在侵權行為


若我哋發現有餐廳或生活百貨店合作夥伴違反哩啲守則或其合約中嘅任何其他條款,喺對其採取任何行動之前,我哋會先對該報告進行徹底調查。調查必會由我哋團隊中嘅成員領導,如果我哋決定採取任何行動,都一定會通知該合作夥伴。

我哋對送餐專員亦發佈咗類似嘅指引,你可以於此細閱

您是否找到答案了?